НЗМ оқушылары үшін ШҚМУ білім беру бағдарламалары ұсынылды
ШҚМУ-дың екі білім беру бағдарламасын – «Компьютерлік мехатрониканы» және «Сандық гуманитаристиканы» Назарбаев зияткерлік мектебінің оқушылары оқитын болады.Бұл туралы С.Аманжолов атындағы ШҚМУ баспасөз қызметіне сілтеме жасай отырып, EDUNEWS.KZ ақпаратттық агенттігі хабарлайды.
2016 жылдың 8 қаңтарындағы №5 бұйрықпен енгізілген ҚР БҒМ 2015 жылдың 27 наурызындағы №139 «Білім беру ұйымдарында тәжірибе режимінде іске асырылатын білім беру бағдарламаларын әзірлеу, апробациялау және енгізу ережелерін бекіту туралы» бұйрығына сәйкес Назарбаев зияткерлік мектебі оқушылары мен түлектері үшін С. Аманжолов атындағы ШҚМУ тәжірибелі білім беру бағдарламаларын оқу үрдісінде пайдалану ұсынылды.
«Компьютерлік мехатроника» бағдарламасы 3 жыл және «Сандық гуманитаристика» бағдарламасы 3 және 4 жыл мерзімге ұсынылып отыр.
