» » Батыс қазақстандық әнші «Славян базары» фестивалінде екінші орынға ие болды (ФОТО)

Батыс қазақстандық әнші «Славян базары» фестивалінде екінші орынға ие болды (ФОТО)

  























Батыс қазақстандық жас әнші Ержан Максим Беларусь елінің Витебск қаласында өткен халықаралық «Славян базары» фестивалінің балалар байқауында екінші орынға ие болды, бұл жөнінде ҚазАқпаратқа сілтеме жасап "EDUNEWS.KZ" ақпарттық агенттігі хабарлайды.
  










































Ержанның ұстазы, Ғ.Құрманғалиев атындағы Батыс Қазақстан облыстық филармониясының солисі Дария Бақытованың мәлім еткеніндей, айтулы өнер додасына әлемнің 21 елінен үздіктер қатысып, бақ сынады. Солардың ішінде Қазақстан намысын қорғаған Ержан Максимнің жүлделі орынға ілігуі - үлкен жетістік. Бұл - оның табиғи таланты мен еңбегінің, ата-анасы Ербол мен Гүлмираның үздіксіз қолдауының нәтижесі. Айта кетейік, бұл - Ержан Максимнің халықаралық байқаудағы кезекті жеңісі. Ол жеті жасында Мәскеуде өткен «Бегущая по волнам» фестивалінің, содан кейін өткен жылы жазда Алматыда халықаралық «Бозторғай» балалар шығармашылығы байқауының, қыркүйекте Грузияның Батуми қаласында «Дельфин Фэст» байқауының бас жүлдесін иеленген болатын. Ал 2016 жылғы желтоқсанда тоғыз жасар Ержан Максим Ригада өткен жас орындаушылардың бесінші «Riga Symphony 2016» халықаралық фестивалінде үш дүркін жүлдегер атанды. Онда оралдық жас дарын авторлық ән мен әлемдік хиттен бірінші, халықтық әннен екінші орынды иеленіп, үш бірдей медальға қол жеткізген еді. Ал биылғы мамырда Италияның Сан-Ремо қаласында өткен жас орындаушылардың халықаралық фестивалінде бірінші орынға ие болды.



14 шілде 2017 г. 3 454 0

Жаңалық тізбесі

Армысың, әз-Наурыз!

20 наурыз 2023 г. 11 923 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031