ҚР құрама командасының қоржыны 4 медальмен толықты
2023 жылғы 13-19 сәуір аралығында Порторож қаласында (Словения) әлемнің 60 елінен 240 оқушы арасында қыздарға арналған Еуропалық математикалық олимпиада (EGMO) өтті.Олимпиада қорытындысы бойынша Қазақстан құрама командасының қоржыны 4 медальға толығып, командалық есепте 15 орынды иеленді:
Мерей Темирзинова - Haileybury Astana мектебінің оқушысы – күміс медаль;
Анастасия Одинцова - Павлодар қаласы дарынды балаларға арналған № 8 мектеп-лицейінің оқушысы – күміс медаль;
Ақерке Нурахметова - Алматы қаласындағы физика-математика бағытындағы Назарбаев Зияткерлік мектебінің оқушысы – күміс медаль;
Амира Кенбаева – Алматы қаласындағы физика-математика бағытындағы Назарбаев Зияткерлік мектебінің оқушысы – қола медаль.
Айта кетсек, Қазақстан олимпиадаға 2017 жылдан бері қатысып келеді. Алғашқы жылда қыздарымыз 1 алтын, 1 күміс, 1 қола, 1 грамота алса, биылғы жылғы жетістіктермен қосқанда барлығы 3 алтын, 9 күміс, 10 қола және 4 құрмет грамотасымен марапатталған.
Олимпиадашыларды және жаттықтырушыларды, мектептер ұжымын жетістіктермен құттықтаймыз.
------ WWW.PRESS.DARYN.KZ ------
