Edunews.kz ақпарат агенттігі

Іс-шараның негізгі мақсаты – философ-ақынның рухани мұрасын дәріптеу, шығармаларында бейнеленген туған жерге сүйіспеншілік, белсенді азаматтық ұстанымды өскелең ұрпақта тәрбиелеу; тұлғаның зияткерлік және шығармашылық әлеуетін дамыту.

Байқау 4 бағыт бойынша өткізілді:

I бағыт – «Алдыма өлең жаз деп қағаз келген, Сөзімді сөйлеп бақтым мен де білген» ақындар мүшәйрасы.

II бағыт – «Бас болып өнер білсең, тіпті жақсы» атты ғылыми жоба қорғау.

III бағыт - «Білімді зерек адам болам!» - десең, Қара өзіңді басқаның айнасымен» эссе жазу бағыты.

IV бағыт - «Мәшһүр-Жүсіп  шығармалары және «Ұлы даланың ұлы есімдері».

Ақмола облысынан 2 қатысушы қатысты - бұл ІІІ республикалық «Мәшһүр-Жүсіп оқулары» байқауының облыстық кезеңінің жеңімпаздары.

Республикалық байқаудың қорытындысы бойынша:

1. Көкшетау қаласының № 19 жалпы орта білім беретін мектебінің 9-сынып оқушысы  Әскер Аяулым «Бас болып өнер білсең, тіпті жақсы» бағыты ғылыми жоба зерттеу және қорғау бойынша - Бас жүлдеге ие болды.

2. Көкшетау қаласының Мәлік Ғабдуллин атындағы № 3 көпсалалы  гимназиясының 10-сынып оқушысы Ақылбай Диас «Мәшһүр-Жүсіп  шығармалары және «Ұлы даланың ұлы есімдері» бағыты бойынша сертификат алды.

Құттықтаймыз! Жаңа жеңістер тілейміз!