25 тамызда Астана қаласында ядролық қарусыздану жөніндегі Пагуош қозғалысының мерейтойлық конференциясы өтеді
10 тамызда Қазақстан ұлттық жаратылыстану ғылымы жанынан құрылған Қазақстандағы Пагуош комитетінің алғашқы кеңесі өтті.Бұл жөнінде БҒМ-нің Ғылым комитетіне сілтеме жасай отырып, EDUNEWS.KZ ақпараттық агенттігі хабарлайды.
Пагуош ғалымдар қозғалысы әлемдегі саяси және қоғам қайраткерлерінің біліктілік алмасатын халықаралық ғалымдар қозғалысы болып есептеледі. Қатысушылар мұнда әр ел немесе мемлекеттік құрылым атынан емес, жеке тұлға ретінде қатысып, жаһандық қауіп жөнінде тың ұсыныстарын білдіріп, өз ойларын ортаға салады. Пагуош қозғалысы 1955 жылы Альберт Эйнштейн пен Бертран Рассел тәрізді бүкіләлемдік ғалымдардың қолдауымен құрылған. Олар ядорлық энергияны әскери мақсатта қолдануға тиым салуды ұсынған.
Комитеттің Төрағасы Школьник Владимир Сергеевич Комитет мүшелерін қабылдап, алдағы конференцияны өткізу барысын талқылады. Қазақстандағы Пагуош комитеті төрағасының орынбасары ҚР Ғылым және білім министрлігі комитетінің төрағасы Б.С.Әбдірәсілов Қазақстанның ядроға қарсы қозғалысында үнемі белсенді ел екенін атап өтті.
«Пагуош ғалымдар қозғалысының 62 конференциясын Астанада өткізу біздің еліміздің еңбегін тану, Ұлт көшбасшысының әлемдегі қауіпсіздікті және ядролық қарусыздануды қамтамасыз ету жолындағы белсенділігінің белгісі болып табылады».
23-24 тамызда «Әлемдік ядорлық тәртіп: ынтымақтастық ғаламдық және аймақтық қауіпсіздік мәселелері мен болашағы» атты 10-шы халықаралық студенттік Пагуош конференциясы өткізіледі.
Ал 25-29 тамыз аралығында Астанада «Жаңа ядролық қатерлерге қарсы шаралар» атты Пагуош ғалымдары қозғалысының 62-ші конференциясын өткізу жоспарлануда.Шара барысында көрнекті ғалымдардың қатысуымен 14 пленарлық отырыстар мен жұмыс топтары ұйымдастырылады.
