Ата-аналар психологтардан құнды кеңестер алды
Ағымдағы жылдың 13-14 қазанында еліміздің барлық мектептерінде «21-ғасырдағы қазақстандық ата ана: өз балаңа үлгі бол» атты республикалық ата-аналар конференциялары өтті. Жиындарда бастауыш сынып оқушылары мен 8-9 сыныптарда оқитын жасөспірімдердің ата-аналарына психологиялық көмек көрсету сұрақтары талқыланды. Бұл туралы "Edunews.kz" AA хабарлайды.
Мектептегі дәстүрлі ата-аналар жиналысы көптеген мәселелерді шешуге көмектесетіні анық. Алайда, сынып жетекшілерінің айтуынша, ата-аналармен қарым-қатынас орнатудың бұл түрінде бірқатар қиындықтар туындайды. Ең басты себебі – педагогтерге жүктелетін жұмыстың шамадан тыс болуы және жиналысты өткізу әдісінің ескіруі. Сайып келгенде, бұл ата-аналардың мектеппен қарым-қатынас орнатуына әсер етеді.
БІРЫҢҒАЙ РЕСПУБЛИКАЛЫҚ АТА-АНАЛАР КОНФЕРЕНЦИЯСЫНЫҢ дәстүрлі жиналыстан ерекшелігі – бұл жас ұрпақты инновациялық білімдермен және отбасылық тәрбиелеу әдістерімен оқытуға бағытталған және түрлі тақырыптады қамтитын жаңа формат. Осыған орай, республикалық ата-аналар конференциясын еліміздің барлық мектептерінде өткізілді.
Конференцияға қатысушыларға психологтардан «Жасөспірімдермен қалай қарым-қатынас орнатуға болады», «Кәмелет жасқа толмаған балалар арасындағы суицидтік іс-әрекеттердің алдын алу» бойынша құнды кеңестер беріліп, жиын барысында жаңа психолого-педагогикалық әдістер мен технологиялар пайдаланылды.
Естеріңізге сала кетейік, республикалық ата-аналар конференциялары 2-3-4 сынып оқушыларының ата-аналарына - 13 қазан, 8-9 сыныптарда оқитын жасөспірімдердің ата-аналарына - 14 қазан күні өткен болатын.
