Ұстазы жақсының –ұстамы жақсы
2024-2025 оқу жылының қазан айы басталысымен аудан мектептері оқушыларының арасында спорт түрлерінен «Ұлттық лига» жарыстары басталып кетті. Оқушыларымыз спорттың әр түрінен жарысқа түсіп, жақсы нәтижелерге қол жеткізуде. Бекер айтылмаған болса керек, «Ұстазы жақсының –ұстанымы жақсы» деп, өйткені, оларды спортқа баулып жүрген мектеп ұжымындағы бірқатар ұстаздарымыз бірнеше жылдар бойы аудан көлемінде өткен жарыстарда жүлделі орындарды бағындырып жүр. Атап айтсақ, аудан көлемінде ұйымдастырылған қашықтыққа жүгіруден Т.Жамуратов ағайымыз өткен оқу жылында жүлделі І орын алса, 2024-2025 оқу жылында «Біздің денсаулығымыз өз қолымызда» атты қашықтыққа жүгіру марафонында жүлделі ІІ орынды иеленді.
Мектептің мұғалімдерінен құралған кіші футбол командасы өткен оқу жылы мұғалімдер күні мерекесі қарсаңында жүлделі ІІІ орынды алып, АӘД жетекшісі Е.Ажибеков ағайымыз «Үздік қорғаушы» номинациясымен марапатталған болса , биылғы жылы жарыста жүлделі ІІ орын иеленді. Команда мүшелері: Еркін Ажибеков, Ергеш Дадаев, Төре Турсунов, Ералы Турсунов, Торабек Турсунов , Умит Байжанов, Толқын Жамуратов сияқты ұстаздарымыз аудандық білім бөлімінің мадақтамасымен және кәсіподақ ұйымы тарапынан қаржылай сыйлықтармен марапатталды.
Ал, 25-қазан Репсублика күнінен орай «Жастар ресурстық орталығы» коммуналдық мемлекеттік мекемесінің ұйымдастыруымен өткен «Спорт бізді біріктіреді» ұраанымен өткен кіші футбол жарысында 11-сынып оқушысы Бабаев Сухроб «Үздік футболшы» номинациясымен марапатталды.
«Спорт денсаулық кепілі» дегендей, адам баласы спортпен шұғылдана отырып, өз денсаулығын нығайтып қана қоймай, мектебінің ауылы мен ауданның, қала берді республиканың мәдениеті мен спортының дамуына үлес қоса отырып, алдына биік-биік белестерді бағындырсам деген мақсат-тілек қойып, арманына қол жеткізеді.
Абай атамыз айтқандай «Болмасаңда ұқсап бақ» демекші еліміздің спорт саңлақтарына ұқсағысы келіп, тапжылмай жаттығып келе жатқан оқушыларымызға келешекте ел мақтаныштары бола берулеріне тілектес бола отырып, үлкен сенім артамыз.
Түркістан облысы Жетісай ауданы
«Х. Доспанова атындағы №28жалпы
білім беретін мектеп»коммуналдық
мемлекеттік мекемесінің
АӘж/еТД және дене шынықтыру
пәндері бірлестігі
