«Ақселеу Сейдімбек және ұлттың рухани құндылықтарды зерделеу: таным, тағылым, тәжірибе» халықаралық ғылыми-практикалық конференциясын өткізеді.
Өтетін күні, уақыты: 22.12.2022 ж. Сағат 11.00Өтетін орны: Пушкин көшесі 11, «Отырар» кітапханасы
2022 жылғы 22 желтоқсанда сағат 11:00-де Еуразия ұлттық университеті «Ақселеу Сейдімбек және ұлттың рухани құндылықтарды зерделеу: таным, тағылым, тәжірибе» халықаралық ғылыми-практикалық конференциясын өткізеді. Оған қатысушылар медиа коммуникацияны, цифрлық технологияларды және креативті индустрияны дамыту мәселелерін, әдебиеттану саласындағы жаңа бағыттарды, А. Сейдімбектің мұрасын талқылайды,деп хабарлайды edunews.kz ақпарат агенттігі Д.Н.ГУМИЛЕВ атындағы ЕҰУ баспасөз қызметіне сілтеме жасап.Іс-шараға Қазақстан, Түркия, Ресей, Өзбекстан елдерінің мемлекет және қоғам қайраткерлері, ғылыми-академиялық қоғамдастығының өкілдері, журналистика, филология және әдебиет саласындағы қаламгерлер мен сарапшылар студенттер қатысады.Іс-шараның мақсаты – белгілі этнограф-жазушының шығармашылығы мен еңбектері негізінде әдебиет, өнер, тарих және журналистика мен публицистиканың өзекті мәселелерін зерделеу.Халықаралық конференция жұмысы 4 секция бойынша жалғасады: «Ұлттық рухани құндылықтарды зерттеу мәселелері»; «Медиакоммуникация және цифрлық технологиялар мен креативті индустрияны дамыту»; «А.Сейдімбектің мұрасы және тәуелсіздік тарихы»; «Әдебиеттанудағы жаңа ізденістер мен мүмкіндіктер». Жиын барысында Ақселеу Сейдімбектің өмірі мен шығармашылығы туралы фильм көрсетіліп, рухани мұрасына арналған кітап көрмесі ұйымдастырылады.
