«Балапан» бағдарламасы бойынша жұмыс істейтін балабақшалар саны артуда
Алматыда балдырғандармен кәсіби тәрбиешілер жұмыс істейтін жеке коттедждерде ашылған мектеп жасына дейінгі балалар мекемелерінің саны артуда.Алматы әкімі қаланың бірқатар мектеп жасына дейінгі балалар мекемелерінде, соның ішінде«Журавушка», «i.Bala», «Panda» бала бақшаларында болды, деп хабарлайды Baq.kz.
Көп жылдар бойы мектеп жасына дейінгі балалар мекемелерінде педагог болған, қазіргі кезде «i.Bala» балабақшасының директоры қызметін атқарып жүрген Самал Жұмабекова өзінің сөзінде коттеджді жалға алғанын, кейін сатып алатынын айтты. Бес жыл бойы бос тұрған коттедж базасы негізінде балабақша ашу үшін 12 млн. теңге инвестиция жұмсалыпты. Мұнда балдырғандар дәріс беру үш тілде – қазақ, орыс, ағылшын тілдерінде жүреді. Самал Жұмабекова қажетті қондырғылармен және кабинеттермен жабдықталған тағы бір балабақшаны тамыз айында ашуды жоспарлап отыр.
