Мектеп формасын белгілі дүкеннен алуға мәжбүрлеген директорлар жазаланады
Мектеп формасын белгілі дүкеннен сатып алуға итермелеу заңсыз деп хабарлайды Qamshy.kz ақпарат агенттігі zakon.kz-ке сілтеме жасап.
Егер мектеп директорының үстінен шағым түссе, оны әкімшілік жауапкершілікке тарту мәселесі қарастырылады.
Қалалық білім басқармасы мектеп басшыларына сайтқа эмблеманың электронды нұсқасын жариялауды міндеттеді. Хат мектеп директорларына жіберілді. Енді ата-аналар эмблема тігілген пиджак немесе желетке сатып алуға міндетті емес.
Бұған дейін Астанадағы мектептерде бірыңғай қою көк түсті формаға көшу кезең-кезеңмен жүзеге асатыны хабарланған.
Жаңа мектеп формасы туралы сұрақтарды 55-68-53, 55-74-67 номеріне хабарласып қоя аласыз.
