Edunews.kz ақпарат агенттігі

  Нұр-Сұлтан, «Мирас» халықаралық мектебі білім беру саласына технологияларды сәтті біріктірген әлемдік көшбасшы-мектептердің бірі болып танылды, деп хабарлайды edunews.kz Ақпарат Агенттігі.

Нұр-Сұлтан, Қазақстан – 27.11.2020 – Нұр-Сұлтан, «Мирас» халықаралық мектебі директор Елена Хамитованың басшылығымен білім беру процесін трансформациялау арқылы оқушылар қол жеткізген елеулі жетістіктері үшін Microsoft Showcase School 2020-2021 бағдарламасына қатысушы болып танылды. Нұр-Сұлтан, «Мирас» халықаралық мектебі қоғамының барлық мүшелері үшін білім беру үдерісін болашақ сандық трансформациялау үлгісі болып табылады.

«Мирас» халықаралық мектебі сабақ беру, оқыту және бағалаудағы жаңа көзқарас пен инновациялар, есептеу және сыни ойлау, шығармашылық және өзара іс-қимыл, сондай-ақ оқытушылар мен студенттердің кәсіби өсуіне жәрдемдесуге дайындықты қамтитын білім беру үдерістерін трансформациялауда көшбасшылар мойындаған әлемнің білім беру мекемелерінің эксклюзивті қоғамдастығының құрамына кірді.

Болашақта мектеп интерактивті бағдарламалар енгізуді жалғастыруды жоспарлап отыр. Олар оқу процесін студенттер үшін неғұрлым серпінді және қызықты етуге, сонымен қатар дағдыларды, білімді және бағдарламалық материалды түсінуді жақсартуға көмектеседі. Оқушыларды ынталандыру үшін Microsoft сияқты жаңа инновациялық технологияларды қолдану өте маңызды, себебі мұғалімдер бірқатар жаһандық ресурстармен (YouTube, Tik-Tok, Instagram) бәсекелеседі.

«Microsoft Showcase School бағдарламасының қатысушысы болу – үлкен құрмет және біздің оқытушыларымыз бен қызметкерлеріміздің барынша жайлы және заманауи білім беру ортасын құру үшін жасап жатқан жұмысын мойындау», - дейді Нұр-Сұлтан, «Мирас» халықаралық мектебінің директоры Елена Михайловна Хамитова, - «Біз қоғамдастықтағы және әлемдегі басқа мектептермен өз тәжірибемізбен бөлісуге қуаныштымыз және оқушыларымыздың сыныпта да, өмірде де жетістікке жетуі үшін оларды қажетті құралдармен қамтамасыз ете отырып, жаңа идеяларды іздеуді және енгізуді жалғастырудамыз».

Нұр-Сұлтан, «Мирас» халықаралық мектебі Microsoft Showcase School бағдарламасының қатысушысы ретінде білім беруді жақсартудағы инновацияларды ілгерілету және жергілікті қоғамдастықтағы және бүкіл әлемдегі басқа мектептермен тәжірибе алмасу міндеттемесін негізге ала отырып, технологияларға негізделген көзқарасын жеткізу үшін Microsoft-пен тығыз ынтымақтастықта болады.

«Microsoft Showcase Schools бағдарламасына қатысушылар — бұл мектепте және одан тыс жерлерде байланыс, оқушыларды ынталандыру және қоғамдастық құру үшін мақсатты инновацияларды қолданатындардың жарқын мысалы», - дейді Microsoft дүниежүзілік білім беру вице-президенті Энтони Сальсито. «Бұл мектептер шынымен де білім беру процесін өзгертеді және оқушылардың көп нәрсеге қол жеткізуіне мүмкіндік беретін жеке оқыту тәсілін ұсынады».

Microsoft Showcase Schools бағдарламасына қатысушылар көптеген артықшылықтарға ие: бір-бірімен тікелей қарым-қатынас жасау, жаһандық онлайн-қоғамдастықтың эксклюзивті жиналыстарына қатысу, сондай-ақ инновациялық білім беру саласындағы көшбасшылардың онлайн және офлайн іс-шараларын өткізу және қатысу мүмкіндігі.

###

«Мирас» халықаралық мектебі

 010009, Нұр-Сұлтан, Қазақстан

Күйші Дина көшесі, 34 

e-mail: info@miras-astana.kz

сайт: www.miras-astana.kz

+7 (7172) 369875, 369876 (67)

БАҚ үшін байланыс жасау ақпараты:

Ольга Глебова, коммуникация маманы, Microsoft CEE Multi-country

тел: +380 66 144 13 19

e-mail: a-olgleb@microsoft.com