Жамбыл облысында мектеп оқушысы селфиге түсемін деп тоққа түсті
Жамбыл облысында мектеп оқушысын шолу мұнарасының жанында тоқ соқты деп хабарлайды, Baq.kz ақпарат агенттігі Tengrinews.kz-ке сілтеме жасап.
Оқиға 24 тамызда кешкі сағат 20:30 Жамбыл-Тараз сатансасы аралығында болған. Жұмыс істемейтін шолу мұнарасының жанында 2002 жылы туған ұл баланы тоқ соққан.
«Қазір жасөспірім №2 қалалық аурухананың реанимация бөліміне жеткізілді, жағдайы өте ауыр. Оқиға орнына Желілік ІІБ-нің кезекші жедел тобы мен көлік прокуроры барды», - дейді дереккөз.
Расталмаған дерек бойынша, ұл бала шолу мұнарасына селфиге түсу үшін шыққан көрінеді.
