Петропавлда курсант көз жұмды
Петропавлдағы республикалық Ұлттық Ұлан әскери институтының курсанты қайтыс болды деп хабарлайды Qamshy.kz ақпарат агенттігі 24.kz-ке сілтеме беріп.
Түс мезгілінде 2 курсант арасында жанжал туындайды. Кеуде тұсынан пышақталған 19 жастағы Ғалымжан Тұрсын ауыр жарақатынан әскери ауруханада көз жұмды. Қазір осыған байланысты қылмыстық іс қозғалып, сотқа дейінгі тергеу амалдары жүріп жатыр. Әзірге келіспеушілікке нақты не түрткі болғаны белгісіз. Ал оқу ордасының басшылығы күдікті сарбаздың суық қаруды қайдан алғанын айта алмай отыр.
