Ақтөбедегі атышулы аудан тұрғындары Сапарбаевтан халал балабақша сұрады
Ақтөбе облысы Темір ауданы Қеңқияқ ауылының тұрғындары облыс әкіміне хат жолдаған. Бердібек Сапарбаевтың блогына жазылған хатта тұрғындар биліктен ашылғалы тұрған балабақшаның халал болуын қадағалауын сұрады.Бұл туралы Aktobenews.kz. сайтына сілтеме жасай отырып,NUR.KZ хабарлайды.
Тұрғынның сауалына Темір аудандық білім бөлімі жауап берген. Әкімдік қызметкерлері мектепке дейінгі ұйымның арнайы санитарлық талаптарды ескеретінін жеткізген.
«Тауарларды жеткізуші азық-түлікті санитарлық эпидемиологиялық талаптарға сай жеткізеді. Химиялық және микробиологиялық нормативтерден асқан белгіленген жарамдылық мерзімдері жоқ немесе жарамдылық мерзімдері өткен азық-түлік жеткізілмейді. Сонымен қатар тауарларды жеткізушіден міндетті түрде қауіпсіздігі куәландырылған және шыққан тегі расталған құжаттары сұралады. Сұрақта көрсетілген Кеңқияқ ауылында ашылғалы тұрған балабақшада балаларды тамақтандыру жоғарыда айтылған талаптар бойынша жүзеге асырылатын болады», — деп хабарлайды Темір аудандық білім бөлімінен.
