Бердібек Сапарбаев: Хиджаб киген оқушылардың ата-анасы құқықтарынан айырылмайды
Бердібек Сапарбаев Орталық коммуникациялар қызметінде журналистердің орамал таққан оқушылардың ата-аналарына қатысты сауалдарға жауап берді. Бұл туралы NUR.KZ порталына сілтеме жасай отырып, EDUNEWS.KZ ақпараттық агенттігі хабарлайды.
Ақтөбе облысы басшысының айтуынша, орамал таққан оқушылардың әке-шешесі ата-ата құқықтарынан айырылмайды.
«Біріншіден, балалардың қандай киім кию керектігі ішкі ережелермен бекітіледі. Ата-аналар комитетімен мақұлданады. Өкінішке қарай, мектепке орамал тағып баратын оқушылар бар. Дегенмен, олардың ата-аналарымен түсіндіру жұмыстары жүргізіліп жатыр.
Нәтижесінде, оқушылар орамалдарын тастап жатыр. Шамамен 340 оқушы орамал тағады екен. Қыркүйек айынан бері шамамен 24 оқушы орамалдарын тастады», — деді облыс басшысы.
Бердібек Сапарбаев бұл жағдай бойынша ата-ана құқынан айыру жөніндегі ұсынысқа қатысты Ақтөбеге оралған соң тексеру жұмыстарын жүргізетінін жеткізді.
