Малайзия университеті қазақстандық түлектерге грант бөледі
Малайзиядағы Albukhary International University аз қамтылған және көпбалалы отбасылардан шыққан түлектер үшін тегін білім алу мүмкіндігін ұсынады, деп хабарлайды ҚазАқпарат «Болашақ» халықаралық бағдарламалар орталығына сілтеме жасап.ЖОО жыл сайын Малайзияның үздік университеттерінің алдыңғы қатарында тұрады. Университет аз қамтылған отбасылардан шыққан студенттер үшін іскерлік әкімшілік бакалавриваты (Bachelor of Business Administration); маркетинг саласындағы бакалавриат (Bachelor of Business Administration in Marketing); адами ресурстарды басқару саласындағы бакалавриат (Bachelor of Business Administration in Human Resources) сынды бағдарламалар бойынша тегін оқу, тамақ және тұратын үй бөледі.
