"Шығармашыл ұстаз - 2020"
«Майемер орта мектебі» КММ – нің 8-сынып оқушысы Кәусәр Қалиасқар
"Ғасыр шежіресі"
Шығыс Қазақстан облысы, Катонқарағай ауданы,
Жетекшісі: Гаяров Біржан Данирұлы
Ғасыр шежіресі
Құт-береке халқыма қайта келдің,
Орындалып арманы байтақ елдің.
Тарихынан халқымның бір үзік сыр,
Айта бергім келеді, айта бергім.
Қазақ елі – қашаннын да жыр елі,
Тарихында тұлғалар көп киелі.
Қазақстан аясында бұрыннан,
Бірнеше ұлт бірге өмір сүреді.
Бір-бірімен тату-тәтті тұрады,
Бәрінің де Қазақстан тұрағы.
Туған жерге тебіренген сәттерде,
Ағылады өлең-жырдың бұлағы.
Серпіп тастап қараңғылық түндігін,
Саңылаудан көрдік жаңа күн нұрын.
Биылғы жыл паш етеді әлемге –
Халқымыздың тәуелсіздік айбынын.
Халқым менің! Саған қарап жұбанам,
Тарих беті қатпар-қатпар бұралаң.
Талай зардап қайғы-мұңын соңынан.
Егемендік алғаныма қуанам!
