Қазақстан – достықтың киелі мекені
Мақсаты: Қазақстанда тату - тәтті өмір сүретін халықтардың әдет – ғұрпын, дәстүр – тарихын, тілін қастерлеп бүгініміз бен келешегіміз үшін бірлігімізді нығайту басты борышымыз екенін ұғындыру, Қазақстанда мекен еткен халықтардың тілі мен мәдениетіне деген құрметті шыңдау; еліміздегі халықтар достығын, бірлігін нығайту.
Көрнекілігі: қанатты сөздер, ұлттық киімдер, ұлттық тағамдар
Барысы:
І. Ұйымдастыру
ІІ. Ұлттардың таныстыруы
ІІІ. Мақал – мәтелдер
ІV. Ұлттардың өнері мен тағамы
V. Ұлт өкілдерінің тілегі
Жаса елім, жаса достық бірлікпен,
Көштен қалма, қалма және тірліктен.
Елім менің – Қазақстан Отаным,
Алға өрле үшінші мың жылдықпен
Тек достықпен, өзге де ел – халықпен – деп бүгінгі тәрбие сағатымызды ашық деп жариялаймыз.
І – топ. «Достық» - орыстар
ІІ – топ. «Ынтымақ» - өзбектер
ІІІ – топ. «Бірлік» - қазақтар
Мұғалім: Балалар, әрбір ұлт өзінің тілін, мәдениетін, әдет – ғұрпын, салт – дәстүрлерін жоғалтпауы керек. Осы мақсатта Қазақстанда өмір сүріп жатқан барлық халықтардың Ассамблеясы құрылған болатын. Ассамблея – ұйым, мәдени орталық деген сөз. Ондай мәдени орталықта ұлттар өздерінің озық дәстүрлерін, мерекелерін, ұлттық киімдері мен тағамдарын насихаттап отырады.
Бүгінгі мерекемізге бір шаңырақ астында мекендеп жатқан, достығы жарасқан Тәуелсіз еліміздің дамып, қарыштауына өз үлестерін қосып жатқан өзге ұлт өкілдерін ортамызға шақырамыз.
Алғашқы топ:
Мінезі бар салмақты
Алғашқы топ қазақты.
Қарсы аламыз бәріміз
«Қазақ» деген халықты
Көршімізді сыйлаймыз,Қонақ келсе қимаймыз.
Қасымызға алып – ап,
100 күндетіп тойлаймыз, - дей келе ортаға «орыстар» тобын шақырамыз.
Оқушы: Тыңда, тыңда, тыңда мені,
Ұлы жұртым орыс халқым.
Сен тербетіп өсіргенсің,
Сенің даңқын, менің даңқым.
Оқушы: Қадірменді бір досымыз- өзбегім,
Қалтқысы жоқ демің бейне өз демім.
Өз сөзімдей жаңға жайлы сөздерің,
Өз көзімдей күлімдейді көздерің.
Дәм тұзымыз араласпыз әріден,
Дастарқандар жайылады сәнімен.
Палауыңмен бесбармағым сыбайлас,
Кезек жейміз алма, өрік дәміңнен.
Көзімізде жарқырайды жарық күн,
Ырыс, дәулет, бақыт үшін халықтың,
Жайнай берсің, жайнай берсін жарық күн.
Оқушы: Тірлігімен адам байлық жасады,
Бірлігімен асулардан асады.
Адал жандар жер – ананы қорғаңдар,
Абайлаңдар бейбітшілік жасағы.
Оқушы: Достық бізге тым ыстық,
Бірлік – байлық, ырыс – құт.
Жарқырасын күніміз,
Жаса, жаса тыныштық
Біздің туған жеріміз осылай аталады. Қазақ жері ұлан – байтақ. Батыста Каспий маңы ойпатынан шығыста Алтай тауына дейін 3000 км , ал солтүстіктен оңтүстікке қарай 1600 км созылып жатыр. Осындай кең байтақ өлкеміздің жері көлемі- 2 млн.700 мың шаршы километр. Қазақстан дейтін менің бар елім, Жатыр алып жарты дүние әлемін. Бұл даланы көріп алғаш қуанғам, Бұл далада өскен жанда жоқ арман.
ІІІ. Мақал – мәтел жарысы:
1.Достық, татулық
2. Отан, туған жер
3. Еңбек, еңбексүйгіштік
ІV. Ұлттар өз өнерлерін,тағамдарын көрсетеді
V. Ұлт өкілдерінің тілектері
-Наше государство- Республика Казахстан занимает огромную территорию. Повсюду в нашей дружно живут и работают люди разных национальностей: казахи,русские, уйгуры, корейцы, украинцы, немцы, татары, узбеки и другие. Мы гордимся, что Казахстан обьединил нации и народности в единое братской семье.
Қорытынды:
Мұғалім: Балалар, бүгінгі тәрбие сағатымызды халықтар достығы туралы, бірлік туралы әңгіме қозғадық. Қазақстанда барлық ұлт өкілдері тату-тәтті, достыққа өмір сүріп жатыр екен. Отан, достық, бейбітшілік деген киелі ұғымдарды тек біздер ғана емес, басқа да халықтар өз тілінде айтып бейбіт өмір сүруге шақырады. Балалар «Отан,достық, бейбітшілік»деген сөздерді әр ұлт өз тілінде айтып, шар, гүлдермен ортаға шығады.
Біз көппіз және бәріміз – бір елміз, бір халықпыз..
Біз бәріміз бір атаның – қазақ қазақ халқының ұлымыз.
Бәріміздің де туған жеріміз біреу – ол қасиетті қазақ даласы.
Бұл дүниеде біздің бір ғана Отанымыз бар, ол тәуелсіз Қазақстан.
Біз болашаққа көз тігіп, тәуелсіз елімізді «Мәңгілік Ел» етуді мұрат қылдық.
Шукурова Каламкас Орынгалиевна
Талдыапан орта жалпы білім беретін мектебі,
Талдыапан ауылы
Казталов ауданы
Батыс Қазақстан облысы
