Жазғы лагерь - тиімді демалыс мекені
Жаз басталып, күн жарқырай түсті. Жыл сайын оқу жылы аяқталғаннан кейін балалар жазғы лагерлерге асығады. Қуанышқа толы көңілді жаздың ұмытылмас естеліктері жазғы ашық алаңда басталады. Жыл сайын Талдықорған қаласының Оқушылар сарайында ұйымдастырылатын "Балдәурен" жазғы ашық алаңы өз жұмысын ағымдағы жылдың 5 маусым күні бастады. Жазғы алаңның басты мақсаты - балалардың бос уақытын тиімді ұйымдастыру және таланттарын анықтау, балалардың шығармашылық қабілеттерін жан-жақты бағытта дамыту.
Жеті жыл бойы ата-әжелер, аналар мен әкелер жеткіншектерді зор қуанышпен Оқушылар сарайына алып келеді. Бұл жерде балалар көңілді, , қызықты уақыт өткізеді. Арасында көпбалалы және аз қамтылған отбасылардан шыққан балалар да бар. Жазғы ашық алаңда балалардың жазғы демалыс кезеңде бос уақытын тиімді ұйымдастыру үшін барлық жағдайлар жасалған. Лагерге келушілерді күн сайын Оқушылар сарайының медбикесі тексеріп, сауықтыру іс-шаралары мен гигиена бойынша әңгімелер өткізеді.
Жазғы ашық алаң 4 маусымнан тұрады, әр маусым 10 күнді қамтиды:
І маусым-05-16 маусым;
ІІ маусым-19-30 маусым;
ІІІ маусым - 03-14 шілде;
ІV маусым-17-28 шілде.
Жазғы ашық алаңның ағымдағы жылдың бірінші, екінші маусымында 6 топ құрылған,әр кезеңде 150 бала қамтылды. Әр топта 25 бала. Оның ішінде бір топ 5 жастағы балаларға араналған. Жұмыс уақыты таңғы 9.00-ден 13.00-ге дейін жоспарланған (түске дейін). Лагерь тегін.
Күнделікті жоспар бойынша таңертеңгі флешмобтар, тәрбие сағаттары, байқаулар ұйымдастырылады. Тәлімгерлер балалардың демалысы көңілді, қуанышқа толы болуы үшін күш-жігерін, шығармашылық қабілеттерін аямай, әр күнге жоспарланған қызықты мерекелік іс-шаралар ұйымдастырады. Топтық – спорттық ойындар, саяхаттар, табиғат аясында ойындар, концерт залында, жұлдыз залында қызықты фильмдер көрсету, обсерваторияға экскурсиялар, флешмобтар, түрлі тақырыптағы асфальт бетіне сурет салу байқаулары ұйымдастырылады.
Кейде балалар сурет салады, өлең оқиды және ән айтады. Балалар "Көңілді бояулар" байқауларына, "Мықты және батыл" спорттық эстафеталарына қызығушылықпен қатысады. Этика, туған өлкенің табиғатын қорғау туралы тәрбие сағаттар, мақал-мәтелдер сайыстары ұйымдастырылады. сұлулық туралы. Сондай-ақ, лагерь жоспары аясында караокеде балалар ән айтады, би билейді.
Жабдықталған арнайы кабинеттерде "Қолөнер", "Мүсіндеу", "Қыш өнері", "Робототехника", "Сурет салу", "Кесу және тігу", "Вокал", "Хореография", "Көңілді орыс тілі", "Ағылшын тілі" жазғы мектептерінің сабақтары өткізіледі. Сондай-ақ, қазіргі заманға сай коворкинг-орталық, "TECHNOPAPK", IT-класс, FabLab жұмыс істейді.
Жазғы алаңның жазғы шығармашылық мектептері әр баланың талантын ашуға және дамытуға көмектеседі және достарымен бірге сүйікті ісімен айналысуға мүмкіндік береді. Мұның бәрі жеткіншектердің қызығушылығы мен шығармашылық қабілеттерін дамытуға ықпал етеді, оларға зерттеулер мен белсенді танымдық іс-шараларға қатысуға мүмкіндік беріледі.
Жазғы демалыс кезінде қала мен аймақ бойынша туристік маршруттар әзірленеді. Өлкетану үйірмесінің мүшелері өңіріміздің ең көркем тарихи-мәдени орындарына: ақын Сара мемориалдық мұражайына, Алтын Емел ұлттық паркіне, Шоқан Уәлиханов атындағы мұражайына және т.б. экскурсиялар жүргізеді.
Айта кететін жәйт, жыл сайын балалар "Балдәурен" жазғы алаңының жаңа маусымының ашылуын асыға күтеді, онда қызықты уақыт өткізеді және көптеген жаңа достар табады. Оқушылар сарайының білікті педагогтарының арқасында балалардың жас ерекшеліктерін ескере отырып, балалар үшін қолайлы психологиялық ахуал тудырылады. Әр балаға ерекше педагогикалық тәсіл таңдалады. Осылайша, жазғы алаңның әр күні қанық және балалық шақтан көптеген жағымды әсер қалдырады.
Есболова Ләззат Мұхаметқалиқызы
«Оқушылар сарайы» МКҚК директоры
Талдықорған қаласы
