Жүректен жүрекке жылу сыйлады
27 ақпан күні Өмірлік қиын жағдайдағы балаларды қолдау орталығында Алғыс айту күніне орай «Жүректен жүрекке» атты мерекелік кеш өтті.
Кешке білім басқармасы басшысының орынбасары Т.Жамалов, ҚР Сыбайлас жемқорлыққа қарсы іс-қимыл агенттігі Жамбыл облысы бойынша департаменті басшысының бірінші орынбасары Р.Төлебаев, орталықтың тұрақты демеушісі Е.Манжуов, Қазақстан халқы ассамблеясы облыстық филиалының түрлі ұлт өкілдері, демеушілер қатысты.
Тәрбиеленушілердің бірі әсем ән орындаса, екіншісі мың бұрала би билеп қонақтардың қошеметіне бөленді.
Салтанатты жиыннан соң қонақтарға тәрбиеленушілердің қолөнер көрмесі ұсынылды. Көрмеге сәндік-қолданбалы өнермен айналысатын балалардың қолдарынан шыққан бұйымдары қойылды.
Дереккөз: "EDUNEWS.KZ" ақпарат агенттігі
