ТарМПУ 50 үздік талапкерге арнайы грант беріп, шетелге оқуға жібереді!
Бұл жолы ТарМПУ тағы бір бұрын-соңды болмаған жаңа жобаны жүзеге асыруда! Мектеп түлектеріне арналған университет грантын алуға конкурс жариялаймыз. Оларды ҰБТ-да максималды балл жинаған, облыстық, республикалық және халықаралық олимпиадалар, конкурстар мен сайыстардың жеңімпаздары мен қатысушылары, үздік мектеп түлектері ала алады. Гранттың артықшылықтары: Грант және стипендия + ТарМПУ-дың ең жақсы шетелдік серіктес университеттерінде оқу мүмкіндігі, атап айтқанда Германия, Польша, Түркия, Оңтүстік Корея және Ресей университеттерінде білімін жалғастыруға мүмкіндік алады. Жобаның мақсаты - аймақтың зияткерлік әлеуетін нығайту, халықтың педагогикалық мамандықтарға қызығушылығын арттыру. Бұл жоба оқушылардың үлгеріміне әсер етеді, оқуда нәтижелі және саналы да сапалы болуға өз септігін тигізеді.Дереккөз: "EDUNEWS.KZ" ақпарат агенттігі
