РУХАНИ КЕЛІСІМ-ТАТУЛЫҚТЫҢ ТІРЕГІ...
18 қазан Тұңғыш Президенттің тарихи-мәдени орталығында «Рухани келісім – татулықтың тірегі» атты рухани келісім күніне арналған ашық диалог алаңы өтті.
Іс-шараға Қарағанды индустриялық университетінің студенттері, «Теміртау қаласының Конфессияаралық қатынастар проблемаларын зерделеу және талдау орталығы» мемлекеттік мекемесінің Теміртау қаласы діни конфессияларының өкілдері қатысты.
Тарихтан: Дінаралық татулық – қоғамдық келісімнің басты негізі әрі өзегі. 1992 жылы Қазақстанда «Діни сенімнің еркіндігі және діни бірлестіктер туралы» Заңы қабылданды. Тәуелсіздік алған жылдардан бері Қазақстанда әлемдік және дәстүрлі діндер көшбасшыларының яғни 2003 жылдан бері үш жыл сайын осы кезеңге дейін VІІ-съезі тұрақты түрде өткізіліп келеді.
Президентіміздің пайымдауынша, әлемдік және дәстүрлі діндер көшбасшылары арасындағы сенім мен өзара түсіністікке негізделген диалог осы саладағы халықаралық ынтымақтастық үшін кең мүмкіндіктерге жол ашады және заманымыздың күш көрсету, экстремизм мен терроризм сияқты келеңсіз құбылыстарын бірігіп еңсеруге ықпал ететін болады.
Дереккөз: Қарағанды индустриялық университетінің баспасөз қызметі
