ТҰҒЫРЫ БИІК ТӘУЕЛСІЗДІК
Тәуелсіздік – 1986 жылы алаңға шыққан жастардың, ата-бабалар мен үлт арманаының салтанат құруы. Тәуелсіздік – мелекетіміз үшін ең бағалы да құнды мереке.
2019 жылдың 10 желтоқсанында «Өрлеу» БАҰО» АҚФ Түркістан облысы және Шымкент қаласы бойынша ПҚБАИ «Инновациялық білім беру және ақпараттық технологиялар» кафедрасының ұйымдастыруымен Шымкент қаласы № 72 жалпы орта мектебінің базасында егеменді еліміздің ертеңгі иелері жастарға тәуелсіздіктің қадір-қасиетін арттыру, Отанға деген патриоттық сезімдерін дамыту мақсатында 6 "Е" сынып оқушылары Алибаева Құралайдың жетекшілігімен «Тұғыры биік Тәуелсіздік » тақырыбында әдеби кеш өткізілді.
Оқушылар 16 желтоқсан Тәуелсіздік күніне арналған өлең шумақтарын оқыды. Желтоқсанның құрбаны Қайрат Рысқұлбековтің образына еніп, әсерлі де мағыналы көріністен үзінді көрсетті. Патриооттық әндер орындалды.
Кафедраның аға оқытушысы Жанагул Кужимова Желтоқсан оқиғасының тарихына шолу жасай отырып, бүгінгі өткізілген іс-шараның маңыздылығына тоқталды. Өркениетті Қазақстанның болашағы жастарға білімді де саналы ұрпақ қалыптасу жолында табыстар тіледі.
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын!
«Инновациялық білім беру және ақпараттық технологиялар» кафедрасы
Дереккөз: "EDUNEWS.KZ" ақпарат агенттігі
