» » Ерлан Сағадиев оқушыларды Білім күнімен құттықтады

Ерлан Сағадиев оқушыларды Білім күнімен құттықтады

  Бүгін елордадағы №80 мектеп-гимназияда алғашқы қоңырау соғылып, салтанатты шараға еліміздің Білім және ғылым министрі Ерлан Сағадиев қатысты, деп хабарлайды ҚазАқпарат.
 «Құрметті ұстаздар, балалар, ата-аналар! Баршаңызды бүгінгі Білім мерекесі - алғашқы қоңыраумен, жаңа оқу жылының басталуымен шын жүректен құттықтаймын. Балаларымызға үздік оқушылар болып, сапалы білім, жоғары деңгейде тәлім-тәрбие алып, келешекте үлкен өмірдің барлық жолдары ашылсын! Ал ата-аналардың армандары орындалсын!», - деді салтанатты шарада сөз сөйлеген министр. Сонымен қатар ол биылғы оқу жылының ерекшелігінің бірі үлкен өзгерістердің болмауында екендігін айтты. «Ең маңызды мәселелер бойынша шешімдер былтырғы оқу жылында қабылданған болатын. Енді сол жұмыстарды одан ары жалғастыратын боламыз. Жұмыстар қиын емес, мұғалімдер дайын. Оқулықтарды жеткіздік. Біз оны күн сайын тексеріп отырмыз», - деді  Ерлан Сағадиев. Айта кетейік, №80 мектеп-гимназия 2015-2016 оқу жылының 11 қыркүйегінде ашылған болатын. Мектеп 1 100  оқушыға арналған. Қазіргі уақытта 1 380 бала білім алуда. Білім ордасы 1 ауысыммен жұмыс істейді. Оқу жоспары мемлекеттік жалпы міндетті стандартқа сәйкес құрылған.


02 қыркүйек 2017 г. 1 928 0

Жаңалық тізбесі

Құрметті әріптестер!

07 қараша 2022 г. 1 818 0

Жаңалықтар мұрағаты

«    Қараша 2022    »
ДсСсСрБсЖмСбЖс
 123456
78910111213
14151617181920
21222324252627
282930