» » Аймағамбетов: Директорда үш орынбасар, екі есепші бола ма бәрібір – бізге керегі білім сапасы

Аймағамбетов: Директорда үш орынбасар, екі есепші бола ма бәрібір – бізге керегі білім сапасы

«Білім беру ұйымдарында типтік штаттар міндетті болмауы тиіс. Өйткені жан басына шаққандағы қаржыландыру деген – бір балаға шаққанда қаржы беріп, мектеп басшылығы мен қамқорлық кеңесінің қолын босатуымыз керек. Білім және ғылым министрі Асхат Аймағамбетов білім беру ұйымдарындағы типтік штаттар алдағы уақытта міндетті болмайтынын мәлім етті, деп хабарлайды edunews.kz Ақпараттық Агенттігі inform.kz Халықаралық Ақпараттық Агенттігіне сілтеме жасап.

Өйткені мектеп басшысы екі немесе үш орынбасары, екі есепшісі бола ма – өзі шешуі керек. Біз оны қалай болса да үш орынбасар болуы керек деп міндеттемеуге тиіспіз. Егер үнемдегісі келсе – өз еркі. Бір орынбасары болса да бәрібір. Бізге керегі – білім сапасы», - деді Асхат Аймағамбетов Білім және ғылым министрлігінің аппараттық отырысында. Министр жауапты қызметкерлерге осы мәселені қысқа мерзімнің ішінде шешуді тапсырды. Еске сала кетсек, бұған дейін Асхат Аймағамбетов жан басына қаржыландыру жүйесімен жұмыс жүргізбеген білім басқармаларының басшыларын сынға алған еді.



Дереккөз:  inform.kz Халықаралық Ақпараттық Агенттігі



15 қыркүйек 2020 г. 2 098 0

Жаңалықтар мұрағаты

«    Қаңтар 2021    »
ДсСсСрБсЖмСбЖс
 123
45678910
11121314151617
18192021222324
25262728293031