» » Алматы облысында полицейлер үйінен қашқан 14 жасар қызды іздеп тапты

Алматы облысында полицейлер үйінен қашқан 14 жасар қызды іздеп тапты

Алматы облыстық ІІД баспасөз қызметінің ақпараты бойынша, Қарасай ауданындағы мектептердің бірінде 8-сынып оқитын қыз 12 шілде күні Іргелі кентінде тұрып жатқан ата-анасынан қашып кеткен. Бұл туралы ҚазАқпарат хабарлайды.
Оның туыстары өздері іздеп таппаған соң, 15 шілде күні Қарасай АІІБ-ге келіп, көмек сұраған. «Кәмелетке толмаған қыздың осынша уақыт бойы Талғар ауданындағы жалдамалы пәтерлердің бірінде жасырынғаны белгілі болды. Ол Алматыға жиі барып жүрген. Жедел іс-шаралар барысында Қарасай аудандық полиция қызметкерлері оны Алматыдағы түнгі клубтардың бірінен тапты. Қазір қыз аман-сау қалпы ата-анасына берілді», - деп хабарлады Алматы облыстық ІІД баспасөз қызметі. Полицейлер жасөспірім қыздың ата-анасымен әр ұрысқан сайын үйінен қашып кететінін анықтады. Бұл жолы ол туыстарына үйіне қайтып оралмайтыны туралы хат жазып кеткен. «Қашып кеткен қыз бен оның ата-анасымен профилактикалық әңгімелесу өткізілді», - деп атап өтті полицияда.


21 шілде 2017 г. 18 175 0

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031