Үздік түлектер-мектеп мақтанышы!
Кәрім Ұлжалғас Бақытбекқызы 1998 жылы Мақтарал ауданы, Жетісай қаласы Әл- Фараби ауылында дүниеге келген. Бұрынғы 114 жалпы орта мектебінде білім алып, мектепті үздік аяқтаған. Талантты да талапты шәкірт мектеп қабырғасында жүргенде- ақ өзін жан-жақты қырынан көрсете білген. Әртүрлі қалалық, аудандық, пәндік олимпиадалар мен оқулардың жеңімпазы атанды. Мектепті үздік аяқтап, ГРАНТ иегері атанды.
Оқушы жетістігі әрқашан ұстазын қуанышқа, шаттыққа бөлейді.
2016-2020 жылдары Шоқан Уәлиханов атындағы Көкшетау Мемлекеттік университетінде білім алды. Алғыр , ізденімпаз шәкірт университеттің бетке ұстар студенті болды. Жас Отан(Аманат), театр, әдеби үйірмелердің мүшесі болды.
2018 жылы Қарағанды қаласында өткен Республикалық пікір-сайыс турнирінде «Үздік қатысушы» номинациясына ие болды.
2019 жылы Еуразия ұлттық университетінде өткен Республикалық турнирде «Үздік пікір-сайысшы» атағына ие болды.
2017-2018 жылдары Университеттегі “Зияткер “ дебат клубының президенті.
2019 жылы жан-жақты білімі мен дарыны үшін “Шоқан жұлдызы” атағына ие болды.
2020 жылы университетті үздік ҚЫЗЫЛ дипломмен аяқтады.
Ең алғашқы еңбек жолын 2021-2022 жылдары Шығыс Қазақстан облысы Аягөз қаласында мұғалімдік қызметінде жас ұрпаққа сапалы білім мен саналы тәрбие беру жолынан бастады.
Қазіргі таңда 2022 жылдан бастап Шымкент қаласындағы №45-ші мектеп-гимназиясында мұғалімдік қызметін атқаруда.
"Ілім үйреніп, одан соң оны басқаларға үйретпеу-мол дүние жиып, оны керегіне жаратпай, көміп қойғанмен бірдей"- дейді. Ұстазың қандай болса- ұстанымың сондай демекші Ұлжалғас өзінің ұстаздарынан алған үлгі мен өнегені шәкірттеріне, болашақ ұрпаққа үйретуде.
Кәрім Оралбек Сәрсенбекұлы 2018 жылы Әл-Фараби атындағы Қазақ Ұлттық Унверситетінің Тарих археологиялық және этнография факультетіне мемлекеттік ГРАНТ иегері атанып, оқуға түсті. Оны 2022 жылы жоғары дәрежеде аяқтады.
2022 жылдың шілде айында Қазақстан Республикасы Мемелекеттік орталық музейінің
Антропология және этнология бөлімінің ғылыми қызметкері лауазымына жұмысқа қабылданды. Қазіргі таңға дейін сол мекемеде жұмыс жасауда.
2023 жылы Әл-Фараби атындағы Қазақ Ұлттық Унверситетінің Тарих факультетіне Ғылыми педагогикалық бағыты бойныша Магистрантураға оқуына ГРАНТ иегері атанып, білімін жалғастыруда.
Кәрім Оралбек Сәрсенбекұлы қазіргі таңда Әл-Фараби атындағы Қазақ Ұлттық Унверситетінің 2 курс магистранты және де 20-ға жуық ғылыми еңбектері мен түрлі бағыттағы халқаралық конференциядағы жобалары жарыққа шықты.
Індемес Рамазан Ерланұлы 2006 жылы Жетісай ауданы, Жылы-су ауыл әкімшілігі, Әл- Фараби елді мекенінде дүниеге келген. Бұрынғы №114 жалпы орта мектебінде бастауыш сыныпта оқып жүріп, өзінің ерекше өнерімен көзге түсті. Рамазан әнді жақсы айтып, ақын-жазушылар мен мультфильм кейіпкерлерінің суреттерін тамаша бейнелейтін.
2016 жылы тәуелсіздік мерекесі қарсаңындағы патриоттық әндер байқауында «Бас жүлде» иегері атанды.
2019 жылы жігіттер сұлтаны байқауында жүлделі І орынға ие болды.
Рамазанның сурет салу өнері уақыт өте келе бұйымдар жасауға ұласты. Рамазанның жасаған бұйымдары: ең алғаш тік ұшақ, одан кейін трактор және экскаватор кеме, жүк көлігі, мектебімізге атауы берілген Хиуаз Доспанова апамыздың ұшағын өз қолдарымен жасады. Бір айта кететін жәйт осы жасаған бұйымдардың генератор қозғалтқыштары арнайы батарея арқылы іске қосылады.
Індемес Рамазан Ерланұлы осындай тапқырлығымен білімділігінің арқасында 2023-2024 оқу жылында Алматы қаласындағы Логистика және көлік академиясы ALT университеті «Электротехника және энергетика» саласы, оның ішінде «IT энергетикасы» мамандығының мемлекеттік ГРАНТ иегері атанды. Рамазан шәкіртіміздің үлкен өмір жолына басқан қадамы құтты болсын! Жолы ашық, бағындырар белестері биік болсын. Өз мамандығыңның нағыз кәсіби маманы болып, елге қызмет ететін азамат болсын!
Бүгінгі еліміздің дамуына өз үлесін белсене қосып жатқан сіздердей шәкірттерімізбен әрдайым мақтанамыз. Отбасы тәрбиесінен бастау алып, мектебіндегі үлгілі тәрбиесі мен тиянақты білімімдерінің жетістіктерін алдағы еңбек жолдарында аянбай көрсетері анық. Шәкірттерімізге асқақ абырой, зор денсаулық, еңбекте шығармашылық табыстар тілейміз!
«Х.Доспанова атындағы №28
жалпы білім беретін мектеп»
коммуналдық мемлекеттік
мекемесінің тәлімгері
Налибаева Динара Исмаиловна
