Астанада 1-сынып оқушысы менингит жұқтырды деген диагнозбен ауруханаға түсті
Астанада Халықаралық мектептің бірінші сынып оқушысы алдын ала болжам бойынша менингит вирусын жұқтырды деген диагнозбен ауруханаға түсті. Бұл туралы қоғамдық денсаулық сақтау департаментінің басшысы Сәдуақас Байғабылов мәлімдеді, - деп хабарлайды "Edunews.kz" AA Tengrinews.kz сайтына сілтеме жасап.
Оқиға 2018 жылы 12 қазанда болды.
«Оқушы балалар жұқпалы ауруханасында жатыр, симптомдық ем қабылдап жатыр. Жағдайы қанағаттанарлық, дене қызуы бірқалыпты», - деді Байғабылов.
Оның мәліметінше, ауруханаға түскен оқушының сыныбында профилактикалық шара жүргізіліп жатыр.
«Ереже бойынша минингит вирусы болжанған. Дүрлігуге және байбалам салуға еш негіз жоқ», - деді ол қоғамдық денсаулық сақтау департаментінің басшысы.
