Менің жетістігімнің негізі - 99% еңбек
Талдықорған қаласындағы Назарбаев Зияткерлік мектебінің 6-сынып оқушысы Ранона Жәлелқызы «Қазақстан Республикасының 100 дарынды оқушылары» тізіміне енді, edunews.kz Ақпарат Агенттігі. «Білім Өркениеті» Ұлттық инновациялық зерттеу орталығы ұйымдастырған республикалық байқауда Ранона «Менің болашақ мамандығым» үздік эссесі үшін 1 орынға ие болды. Дарынды оқушының жұмысы «ҚР 100 үздік дарынды оқушысы» кітабына енгізілді. Ол таланты мен көшбасшылығы үшін сертификат пен «Дарынды оқушы» төсбелгісімен марапатталды.
«Талант - бұл 99% еңбек, - дейді Ранона Жәлелғызы. Дарынды қыз анасы Толқын Жәлелдің «Адам әрқашан білімге ұмтылуы керек!» дейтін өмірлік кредосына сүйене отырып, республикалық, халықаралық деңгейдегі түрлі жарыстарға белсенді қатысуды жалғастыруда.
Ранона өзінің жастығына қарамастан білім саласындағы жетістіктерімен мақтана алады. 2018 жылы ол облыстық «Бала әлемі» шығармашылық байқауларында, «Ұлы дала ұрпағы» республикалық фестивальдарында бірқатар жүлделерді иеленді, Халықаралық «Шексіз математика» олимпиадасында II орын алды, 2019 жылы республикалық ғылыми-зерттеу «Зерде» конкурстың жеңімпазы атанды, сонымен қатар «Қазақстан күллі түркі халықтарының қасиетті «Қара шаңырағы» атты ғылыми жобалар халықаралық байқауында Гран-приді иеленді.
Болашақта Ранона омарташы болуды армандайды және өз еліне ғана емес, бүкіл әлемге пайда әкелемін дейді. Өткен жылы ол Алматы облысының омарташыларын аралап, балдың пайдалы қасиеттерін, оның адамға тигізетін пайдасын, құрамы мен негізгі түрлерін зерттеді.
- Мен бал туралы көп білдім және бұған тоқталғым келмейді, сондықтан мен өз болашағымды ара шаруашылығымен байланыстырғым келеді. Маған өзім араларды бақылап, зерттейтін мамандық ұнайды. Бұл кішкентай тіршілік иелері мені таңдандырады, - деді өзінің сұхбатында Зияткерлік мектептің 6-сынып оқушысы Ранон Жәлелқызы.
Дарынды оқушының басқа да қызығушылықтары бар. Ол әсіресе шығармашылықты ұнатады: сурет салуды, ән айтуды, қолдан әр түрлі бұйымдарды жасауды.
Бүгін Ранонаның марапаттау қоржынында 160-тан астам наградалар, медальдар, құрмет грамоталары бар.
2020 жылы Ранона тағы да «Қазақстанның 100 дарынды оқушысы» тізіміне қосылды.
Дереккөз:edunews.kz Ақпарат Агенттігі.
