» » Оқушылардың ХХІ ғасырда табысты болуы - мұғалімнің кәсіби тәжірибесі мен құзыреттілігіне байланысты

Оқушылардың ХХІ ғасырда табысты болуы - мұғалімнің кәсіби тәжірибесі мен құзыреттілігіне байланысты

 Қазіргі заман талабына сай болашақ ұрпақтың оқып білім алуын еліміз бірінші орынға қойып отыр. Білім беру мен білім алудағы атқарылатын қарқынды жұмыс ұстаздардың еншісінде екені айтпаса да белгілі. Осы орайда ұлы педагог Ушинскийдің «Бала – балқытылған алтын» деген қанатты сөз бірден ойға түседі. Балаға қалай бағыт берсең, солай өседі. Сондықтан баланың бойында жақсы қасиеттердің болуына, олардың жан- жақты дамуын, рухани бай тұлға қалыптастыра білуіміз керек. Оқытудағы жаңа тәсілдерді пайдалана отырып, оқушы бойында өзіне деген сенімділік пен жауапкершіліктерді дамыту болып табылады.

Осы орайда «Өрлеу» БАҰО» АҚ филиалы ОҚО педагог қызметкерлердің біліктілігін арттыру институтының «Инновациялық білім беру және ақпараттық технологиялар» кафедрасының аға оқытушысы, тренер Сугирова Бану Асеткызының біліктілік арттыру курсы барысында информатика пәнін жаңартылған білім мазмұнда оқыту бойынша түрлі дәріс-тренингтер, педагогикалық әдіс-тәсілдер, білім беру бағдарламасындағы оқу мақсаттарына жетуде, оқытуды критериалды бағалау жүйесін қолдануды, түрлі тиімді оқытудың стратегияларымен таныстырды.

    Білім берудің басты бағыттарының бірі оқушылардың компьютерлік сауаттылығын қалыптастыру болып табылады. Оқушылардың компьютерлік дағдылар мен  құзіреттіліктерді меңгеруі, бір жағынан, уақыт талабы болса, екінші жағынан, бұл талап ақпараттық технологиялардың өзге оқу пәндерін оқытудың тиімді құралы ретінде қолданылып, әртүрлі білім беру салаларымен байланыстыруға арналған ресурстар мен техникалық құралдар ұсынуына байланысты болып отыр.

Бүкіл әлемде білім беру жүйелерінің келешек ұрпаққа қандай білім беретіні туралы

мәселе қайта қаралуда. Осы мәселе аясында "Оқушылар ХХІ ғасырда табысты болу үшін нені үйренуі керек?" және "Оқытудың тиімді әдістері қандай?" деген сауалдар туындайды. Бұл сауалдар білім беру бағдадрламасымен және білім беру бағдарламасын жүзеге асыруда пайдаланатын педагогикалық тәсілдермен тығыз байланысты. Осы сауал бойынша  топ арасында қызу пікірталас жұмыстары жүргізіліп, әр тыңдаушының жеке пікірлері тыңдалып, талқыланды.

  Курста жүргізілген ықшам сабақтарда тыңдаушылар өзінің іс-тәжірибелерінде кездескен түрлі мәселелерінің  шешу жолдарын табуға мүмкіндік алдық.

    Оқушылардың  ХХІ ғасырда табысты болуы үшін  мұғалімнің кәсіби тәжірибесі мен құзыреттілігін осындай курстар барысында арттыруына зор мүмкіндік деп ойлаймын.

  Курс барысында  оқудың практикалық бағыты өте ұнады, әсіресе жан-жақты сұрақтарымызға өзінің білімділігімен, тәжірибесімен бөлісе отырып, жауап берген тренеріміз Бану Асетқызына және осындай курстарды ұйымдастырып отырған "Өрлеу" БАҰО» АҚ филиалы ОҚО педагог қызметкерлердің біліктілігін арттыру институтының  ұжымына үлкен алғысымызды  білдіреміз.

 
















Түлкібас ауданы,  Қабанбай  ШЖНОМ - нің

 информатика пәні мұғалімі Байтасова Замира

18 наурыз 2020 г. 89 0

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930