ҚАРАҒАНДЫ ИНДУСТРИЯЛЫҚ УНИВЕРСИТЕТІНЕ ГАЗИ УНИВЕРСИТЕТІНІҢ ПРОФЕССОРЫ АЙДЫН ЧЕТИН КЕЛДІ!
5 қазанда Қарағанды индустриялдық университетінің «Жасанды интеллект технологиясы» кафедрасына Түркия елінен қонаққа профессор Айдын Четин келді. Профессор Түркияның ең ірі жоғары оқу орындарының бірі – Анкара қаласында орналасқан Гази университетінің өкілі. Айдын Четин осы университетте компьютерлік инженерия кафедрасында жұмыс істейді. Профессор Айдын Четин рецензияланатын халықаралық басылымдарда 57 жарияланымның, оның ішінде «Scopus» базасына кіретін журналдарда 31 мақаланың бірлескен авторы болып табылады. Профессор жүргізген зерттеулердің өзектілігі оның жарияланымдарының дәйексөзімен және сәйкесінше Хирштің жоғары индексімен (H-Index (Scopus) = 8, H-Index (WoS) негізделген.
Дәстүр бойынша жыл сайын халықаралық ынтымақтастықты кеңейту шеңберінде жетекші шетелдік университеттердің профессорлары Қарағанды индустриалды университетінің студенттері үшін дәрістер оқиды және практикалық сабақтар өткізеді. Биылғы жылы «Бағдарламалық инженерия» білім беру бағдарламасының студенттері үшін «АТ-жобаларды басқару» және «Бағдарламалық қамтамасыз етуді әзірлеу» пәндері бойынша Түркиядан келген Гази университетінің профессоры Айдын Четин дәріс оқыды.
Сабақты өткізу барысында профессор Айдын Четин оқытудың инновациялық әдістерін белсенді қолданды, мысалы, дәріс-мәселе, топтар бойынша жұмыс, мамандандырылған бағдарламалық қамтамасыз ету мен онлайн-сервистерді пайдалана отырып, өз жобаларын әзірлеу бойыша бірқатар ойларымен бөлісті . Түрік профессорының Қарағанды индустриялық университетіндегі сапары 3-ші қарашаға дейін жалғасады.
Дереккөз: Қарағанды индустриялық университетінің баспасөз қызметі
