Әл-Фараби атындағы ғылым мен техника саласындағы Мемлекеттік сыйлықты беру жөніндегі комиссияның отырысы өтеді.
2017 жылғы 6 қазанда сағат 16.00-де Астана қ. ҚР Ұлттық академиялық кітапханасында Қазақстан Республикасының Мемлекеттік хатшысы Әбдіқалықова Гүлшара Наушақызының төрағалығымен Қазақстан Республикасының әл-Фараби атындағы ғылым мен техника саласындағы Мемлекеттік сыйлығын беру жөніндегі комиссияның отырысы өтеді.Бұл туралы EDUNEWS.KZ ақпараттық агенттігі БҒМ-нің баспасөз қызметіне сілтеме жасай отырып хабарлайды.
Қазақстан Республикасының әл-Фараби атындағы ғылым мен техника саласындағы мемлекеттік сыйлығы – ғылым мен техника қайраткерлерінің қоғам мен мемлекет алдындағы еңбектерін биік бағалау нышаны.
2017 жылғы Қазақстан Республикасының әл-Фараби атындағы ғылым мен техника саласындағы Мемлекеттік сыйлығын алу үшін 24 жұмыс түсті. Алдын ала іріктеуден кейін екінші кезеңге 14 жұмыс өтті.
Отырыс қорытындысы бойынша Комиссия Қазақстан Республикасының әл-Фараби атындағы ғылым мен техника саласындағы Мемлекеттік сыйлығын беру үшін жұмыстарды бекітпекті.
Аккредитация: pressa.edu@gmail.com т. 87027259713, 74-24-14.
